Upplýsingar fyrir tíma
Takk fyrir að panta tíma hjá Greenfit

​

Við erum til húsa á Dalvegi 16b í Kópavogi - rauðu múrsteinahúsin á Dalveginum.

​

Eftirfarandi upplýsingar eiga við um mælingar Greenfit. Þú lest þann kafla sem á við um þína mælingu.

 

Grunnefnaskiptamæling

​

Mælingin fer fram í hvíld. Þú liggur á bekk í 10 mínútur með öndunarmaska sem mælir grunnbrennslu þína og hlutföll orkuefna í efnaskiptum frumanna. 

 

Til að fá sem marktækasta niðurstöðu mælum við með því að mæta á fastandi maga í mælinguna eða hafa ekki borðað í 3-4 klst.

​

Álagspróf

 

Álagsprófið tekur um það bil 15 mínútur. Það byrjar á rólegri 3 mínútna upphitun og er svo með stigvaxandi álagi á mínútu fresti. Best er að taka prófið ekki á fullan maga, þ.e.a.s. ekki borða um það bil 2 tímum fyrir prófið. Það er í góðu lagi að drekka vatn fyrir prófið en best að sleppa koffíndrykkjum og öðrum orkudrykkjum síðustu 2 tímana fyrir prófið.

Gott er að sleppa erfiðum æfingum 48 tímum fyrir prófið. Endilega mætið í þægilegum fatnaði og viðeigandi skóm s.s. hlaupaskóm eða hjólaskóm ef prófið er tekið á hjóli.

 

Blóðmæling

​

Það er mikilvægt að borða ekki 12 tímum fyrir blóðmælinguna og passa að drekka ekki kaffi né nota tyggjó eða taka æfingu um morguninn.  

​

Blóðmælingar eru framkvæmdar hjá samstarfs fyrirtæki Greenfit, Sameind. Sameind er til húsa í Ármúla 32 og á 5 heilsugæslustöðvum. Sjá nánar á sameind.is.

​

Blóðmæling tekur um 15 mín og er best að mæta að morgni á fastandi maga. Þau opna kl. 8:00.

 

Niðurstöður 

 

Eftir mælingarnar förum við yfir niðurstöðurnar með þér og spjöllum um væntingar og markmið. reikna má með að sá tími taki um 15-30 mínútur. 

 

Við veitum ráðgjöf um breytingar á lífsstíl í samræmi við þínar óskir.

 

Afbókanir

 

ATH. Í þeim tilfellum að viðskiptavinir þurfa að afbóka sig, biðjum við ykkur vinsamlegast um að gera það eigi síðar en 48 klst. áður en mætt er. Berist afbókun innan 48 klst. áður en próf hefst eða viðskiptavinur mætir ekki, áskiljum við okkur rétt til að rukka 50% gjaldsins.